星橋居酒屋

营业中

休息中

同朋友喺中環行完街搵緊有咩餐廳有好嘢食，咁啱就見到附近有一間新開嘅日本居酒屋，好耐冇去旅行又好想食下日本嘢，所以就決定試吓新餐廳都唔錯。我哋叫咗一個極上刺身8點盛，因為真係好鍾意食刺身又諗唔到食邊幾款好，同埋又樣樣都想食下，所以就叫咗呢個咩都有嘅刺身拼盤。其實都幾豐富下，有齊晒所有我想食嘅刺身，佢哋嘅三文魚同埋吞拿魚腩都好正，厚切嘅刺身全部都超級肥美！帆立貝好鮮甜又大粒，全部都好新鮮，總之就正呀！跟住叫咗一個燒油甘魚鮫，油甘魚都係其中一種我好鍾意嘅的刺身，燒完之後更加香，而且魚肉肉質都好肥美，幾大舊啖啖魚肉。