舍利鮨 (已結業)

同男朋友拍拖週年紀念，同佢提過想試#舍利鮨 omakase 佢竟然book到！超開心❤🧡❤餐廳裝修為日系簡約風格，環境舒適。飲左啖🥣麵豉湯即刻有種去左日本既感覺🙊。帶子帶子夠厚身，鮮甜爽口，師傅加少少調味，口感已經好豐富。🦪慢煮仙鳳趾蠔我本身係勁怕腥，唔食生蠔，黎到點都要試一試🤣。生蠔肉質飽滿，加上師傳獨特既慢煮手法，令味道更加鮮甜濃郁，一啲都唔腥，口感順滑，入口帶豐富既礦物味道，餘韻係口腔內徘徊，令人回味無窮，一食愛上。🍣蘋果木煙燻赤鯥+蛋黃醬油赤鯥加上秘製醬汁連皮炙燒，用蘋果木煙燻，令肉質充滿香氣，赤鯥油脂豐富。🍈蜜瓜皮薄肉細、入口軟綿、清甜多汁 ，超滿足。🍶清酒男朋友話食日式料理一定要配清酒😂。用冷感杯盛清酒，隨低溫冷感變色既酒杯，好療癒，天氣咁熱飲番杯又真系幾透心涼。