重慶燒燒烤旗艦店 (已結業)

我同朋友都好鍾意食辣，所以兩個人成日挑戰四處尋辣。呢間店之前幫襯過，好滿意，有川菜食又有串燒食，好多選擇可以一次過滿足哂兩個嚐辣願望，所以今次黎宵夜。首先叫咗涼伴萵笋絲同涼伴黑木耳，兩個都係我至愛，又係健康清腸胃之選，非常爽口好味，配埋啲汁，我地都叫得幾辣，好開胃！！燒雞泡魚乾又係我至愛，香脆，加埋七味粉嘅調味，食唔停，好味推介！！燒虎蝦大大隻，新鮮好味～鐵板清酒煮花甲，好多隻，好有酒香又暖身。日本蕃薯好甜。 食完咁辣，點少得叫杯柚子蜜中和返，呢度嘅相當大杯。無諗過咁多人食得辣，餐廳不停一枱又一枱滿座，難怪同一條街要開幾間店。