影片
更多
2012-07-01
28 浏览
5月3日, 奧海城三期開發後進駐咗唔少新食肆, 其中一間就係呢間主打咖啡輕食嘅La Kaffa~ 睇到openrice佢好評甚多, 而且係零喊面, 就襯今晚嚟奧海城睇戲就嚟食番個午夜早餐! 時約平日七時多, 微雨, 舖頭正是空無一人… 好似就快打烊咁. ::: 特濃班尼迪蛋 脆香煙肉 粟米粒 茄汁焗豆 + Iced Latte ::: $46 + $8其實成份早餐都好豐富! 有配火腿嘅egg benedict、沙律、罐頭粟米、煎煙肉同埋茄汁焗豆~ 雖然個名就叫特濃班尼迪蛋… 但賣相就著實唔多對辦… 兩隻蛋蛋白都有d膠膠地, 好似用微波爐叮熟嗰隻咁! 裡面d蛋黃我又唔覺得特別濃喎… 最唔掂係d hollandaise sauce! 質地極稀, 味道又淡又唔酸香又無蛋味… 然後下面嘅火腿一般, muffin亦都只係一般… 成個主打benedict就係咁一般. 沙律ok啦都算新鮮不過無乜汁, 煙肉微微煎過不過唔夠香脆. 其他side dish都係現成貨… 都無乜特別…另外加錢將餐飲upgrade做iced latte~ 明明堂食都比個外賣杯我, 一來用餐體驗扣分, 二來亦唔環保. 不過lat
::: 特濃班尼迪蛋 脆香煙肉 粟米粒 茄汁焗豆 + Iced Latte ::: $46 + $8
其實成份早餐都好豐富! 有配火腿嘅egg benedict、沙律、罐頭粟米、煎煙肉同埋茄汁焗豆~ 雖然個名就叫特濃班尼迪蛋… 但賣相就著實唔多對辦… 兩隻蛋蛋白都有d膠膠地, 好似用微波爐叮熟嗰隻咁! 裡面d蛋黃我又唔覺得特別濃喎… 最唔掂係d hollandaise sauce! 質地極稀, 味道又淡又唔酸香又無蛋味… 然後下面嘅火腿一般, muffin亦都只係一般… 成個主打benedict就係咁一般. 沙律ok啦都算新鮮不過無乜汁, 煙肉微微煎過不過唔夠香脆. 其他side dish都係現成貨… 都無乜特別…
另外加錢將餐飲upgrade做iced latte~ 明明堂食都比個外賣杯我, 一來用餐體驗扣分, 二來亦唔環保. 不過latte味道ok, 濃度爭少少.
::: 火腿芝士庵列 全麥多士 牛仔腸 脆薯餅 + 凍奶茶 ::: $44 + $4呢個賣相都好豐富, 色彩都好鮮艷~ 全麥多士脆都算脆, 不過好似扁撻撻咁, 唔鬆化, 好彩有得搽jam, 個味道雖然人工d, 好過冇啦…庵列嘅蛋較為乾身, 芝士亦都幾乾, 火腿份量ok, 只屬普普通通. 牛仔腸都只係雪藏野, 味道ok. 最好嘅就已經係個薯餅, 熱辣辣又夠香脆, 起碼總算有樣野好~
跟餐要咗個凍奶茶, 話晒呢度其中一個賣點係珍珠奶茶, 應該都會有保證掛. 但係一飲就知唔掂, 奶茶十分之淡, 個奶味完全唔出, 茶味又唔夠. 好似飲緊奶水咁, d冰融埋就淡上加淡.
其實呢度d食物唔算好差, 不過外在配套實在扣咗唔少分! D梳化罅有好多餅碎呀塵等污糟野, 台面又係污污糟糟無人執無人抹, 仲間唔中有d烏蠅飛飛下, 衛生情況十分麻麻! 就算野食幾好幾抵, 咁污糟真係唔敢再幫趁…
张贴
