辣吧 (已結業)

上星期同男朋友食左呢間辣吧，好正！平時係諾士佛臺主要都係食西餐飲酒，今次係一個幾特別的體驗。我地叫左一個海鮮大咖，總共六款海鮮同埋4 款自選配料。海鮮大咖其實就係一個麻辣海鮮火鍋，首先個爐好特別，係一個中國風嘅銅爐，大約等佢煮10分鐘左右就可以食，裡面海鮮有蜆、蟹、蝦、扇貝、鮑魚同埋魷魚。海鮮全部都好新鮮又好大隻，首先蜆肉好多肉，兩隻蟹都好有肉地，而且還有蟹棒，蝦好大隻又好鮮味，扇貝裡面好夠肉地而且還有粉絲，鮑魚新鮮好彈牙，魷魚就大隻兼厚肉，個麻辣湯底好惹味，辣味好夠火喉，d海鮮嘅鮮甜加埋個麻辣湯真係相當夾和好惹味，真係食到舔舔脷！配菜方面，我地揀左薯條、冬瓜、生菜同金針菇。雖然只係配菜，但裡面份量都唔少，認真低食，材料一樣都好新鮮，夾埋個麻辣湯底，真係好滿足。