御前大江戶日式料理 (已結業)

友人大推呢間磯燒，等齊人食20:30嗰輪，等到又攰又餓。事前專登睇定啲片教點燒，點知實戰都係搞唔掂。啲侍應枱枱都幫手燒，淨係唔理我地嗰枱，要狂叫佢地黎先幫下燒。燒鮑魚真係好正，仲有啲咩貝咩貝都好鮮甜。反而個重頭戲蟹膏燒到過左龍，唔好食。除左磯燒，其他野食都好好味。牛舌、榴連炸彈、泰式生蝦同火灸左口魚壽司等。野飲方面都好出色，我同友人狂encore支裝解茶，真係幫到解膩。美中不足係冇哂melona蜜瓜味，焗住食士多啤梨味，好甜，食左一半放棄。