影片
更多
2019-05-19
101 浏览
返工辛苦，有時都要慰勞下自己。今日同個鐘意食日菜嘅朋友約好咗食Omakase. 食Omakase真係一種享受，除咗食材新鮮好食外，上菜嘅次序、擺碟亦好講究，同師傅閒談交流期間亦都可以體會到佢做菜嘅用心。餐廳嘅環境燈光令人覺得好舒適乾淨。Omakase menu, 有十五道菜同十八道菜揀。前菜已經令人眼前一亮。有四款小菜，顏色鮮豔。食嘅次序分別係果茄、海膽湯葉、竽仔同黑棓貝。果茄入口好清爽細膩，有別於一般蕃茄。海膽湯葉呢個組合都係第一次食，冇好刻意咁調味，食到淡淡嘅豆香，而且好滑。竽仔食落有少少鼓油味，口感軟軟綿綿。最後食咗一個當造嘅黑棓貝，佢係季節性螺，雖然睇落細細隻但其實都幾啖啖肉。師傅自家製嘅漬物白蘿蔔，用嚟清下味覺。喺師傅準備嘅時候見到咁大隻生蠔已經好興奮，呢隻係北海道真蠔，有手掌咁大。 師傅教我地要由裙邊開始食到去肥美嘅部位，因為通常裙邊比較淡味而肥肉位就咸d. 好耐冇食過咁好食嘅蠔，個裙邊都係彈牙嘅，應該好新鮮。蠔肉肥美鮮甜，帶有些少鹹味。活帶子，要食到帶子嘅鮮味就唔好點豉油，淨係點wasabi. 帶子上面師傅刨咗d青檸皮嘅碎，帶子新鮮。漬物牛蒡絲又係自家整個人好鐘意食，鯛魚
餐廳嘅環境燈光令人覺得好舒適乾淨。
Omakase menu, 有十五道菜同十八道菜揀。
前菜已經令人眼前一亮。有四款小菜，顏色鮮豔。食嘅次序分別係果茄、海膽湯葉、竽仔同黑棓貝。果茄入口好清爽細膩，有別於一般蕃茄。海膽湯葉呢個組合都係第一次食，冇好刻意咁調味，食到淡淡嘅豆香，而且好滑。竽仔食落有少少鼓油味，口感軟軟綿綿。最後食咗一個當造嘅黑棓貝，佢係季節性螺，雖然睇落細細隻但其實都幾啖啖肉。
師傅自家製嘅漬物白蘿蔔，用嚟清下味覺。
喺師傅準備嘅時候見到咁大隻生蠔已經好興奮，呢隻係北海道真蠔，有手掌咁大。 師傅教我地要由裙邊開始食到去肥美嘅部位，因為通常裙邊比較淡味而肥肉位就咸d. 好耐冇食過咁好食嘅蠔，個裙邊都係彈牙嘅，應該好新鮮。蠔肉肥美鮮甜，帶有些少鹹味。
活帶子，要食到帶子嘅鮮味就唔好點豉油，淨係點wasabi. 帶子上面師傅刨咗d青檸皮嘅碎，帶子新鮮。
漬物牛蒡絲又係自家整
個人好鐘意食，鯛魚白子，平時好少機會食到。入口即溶又creamy，質感柔滑細膩，令人一食難忘。
白蝦剌身配鰹魚內臟
底部透明嘅就係白蝦，白蝦係生長喺富山灣嘅小型蝦，屬於珍貴食材，口感清爽鮮甜。上面橙色嘅係鰹魚內臟， 鹹鹹地有啲似蝦醬。
煮深海八爪魚
不嬲對八爪魚冇乜興趣，不過呢個八爪魚幾好食，因為佢好入味，同埋個質地比較腍身。原來因為師傅整呢個八爪魚都準備左兩日，好多工夫。omakase就係每樣細細碟，但背後師傅做咗好多準備功夫，佩服！終於去到壽司環節，見到師傅細心準備壽司嘅材料。
粒貝壽司
所有壽司飯都用咗紅醋，有別於一般嘅白醋。紅醋味道濃烈啲，但巧妙地同各種魚搭配。粒貝爽口，作為第一舊食嘅壽司，味道唔算好濃。石鯛壽司
之前食過鯛魚覺得幾好食。今次呢個鯛魚壽司都冇令我失望，佢幾有油香，有少少咬口。針魚壽司
肉質結實彈牙，所以食落幾有口感，味道鮮甜，冇乜油分。鰻魚苗壽司
鰻魚食得多，不過鰻魚苗就真係未食過。晶瑩剔透嘅鰻魚苗，見到一條條鰻魚苗嘅銀色細長側線同魚眼，口感柔嫩滑順，而且仲有海水味。鰻魚苗下面仲放咗葱粒。金目鯛壽司
肉質肥厚，師傅有用火槍燒過塊刺身，所以有烤香嘅味道，個魚皮好彈牙。鯖魚壽司
熟嘅鯖魚食得多，鯖魚壽司就喺日本食過，嗰陣覺得好正，估唔到香港都有得食。鯖魚刺身屬於濃味嘅魚，個人好鐘意。小肌壽司
係江户前壽司嘅代表作，用咗醋同鹽處理魚肉，去除咗魚腥味，亦令到魚肉變得緊實，有少少酸味。紫菜夾帶子海膽
師傅整好之後即食，紫菜仲係脆身。帶子有用火槍燒過，海膽鮮甜冇苦味。牡丹蝦伴蝦膏壽司
牡丹蝦好爽口大隻，蝦膏烤香過所以好好食。赤鯥壽司
食到差唔多尾聲所以魚類就會越嚟越濃味道。赤鯥日本人視佢為刺身中嘅極品。佢肉質嫩滑，油份十足，半融喺口中好正。最後一件壽司係中拖羅壽司。顏色呈粉紅， 脂肪分布均勻，有魚油香。
海膽杯
師傳分別放咗北海道嘅馬糞海膽同福岡海膽。北海道馬糞海膽當然係比較鮮甜。下面放咗紅醋壽司飯。再嚟一個海膽卷物
文蛤麵豉湯
麵豉湯飲得出有蛤嘅鮮味，唔會係死鹹，連隻文蛤都啖啖肉。最後食咗豆腐雪糕作結
師傅話個雪糕都係自家製，自家製果然就係唔一樣因為個豆腐雪糕個豆味好濃。雪糕綿密冇冰粒。今餐真係大滿足！
张贴
