幸谷駅 さちやえき (已結業)

本身住元朗，之前應承過自己要喺2022年內去一次大角咀食野，好彩喺2022年最後一日終於扚起心肝去，好耐冇行 好多舖都唔同左。我一早喺上網做晒research，諗住有機會黎掃街一定要食既小店。未食正餐就諗住搵啲小食食下先吃，當中當然係幸谷駅，佢出名在鯛魚燒好食 多味道揀 因為我第一次去嚟食，靚女店員好好人😍，好耐心咁同我介紹，又問我鍾意食鹹定甜最後我揀咗酥皮明太子芝士竹輪，店員亦都即時同我講聲，製作時間需時10幾分鐘，喺等待途中欣賞舖頭嘅擺設，十分有心思，最特別係人生鐵路圖，唔知係咪店主自己整呢😂 。 舖頭有播住我最近成日聽林家謙啲歌，好治癒，正😄。講返食物先，大概等15分鐘後就有得拎啦，同店員講嘅時間差唔多，店員仲好細心叮囑我小心熱，攞到上手熱辣辣，酥皮好脆芝士明太子好夾少少辣又唔太腻，啱晒唔鍾意食甜嘅人，夠晒惹味😋，食到最後魚尾好脆，我依家一路打文字 都回味緊 🤤（餓了）下次會想試試鹹牛肉芝士 同 北海道十勝紅豆麻糬。