小蟻人 甜品西餐 (已結業)

荃灣有一棟大廈，以前叫英皇，而家叫大鴻輝，大廈入面有好多食肆，今晚想食西餐，所以就去左位於1樓既小蟻人。一入門口，見到一個色彩繽紛既抽獎輪，原來做緊推廣，如果好好彩，最高有一折優惠! 一打開餐牌，就知道呢間係一間好有誠意既餐廳，不論前莱、沙律、主菜、甜品，賣相通通都好精緻，每一樣都想叫~ 不過唔可以浪費，所以都係叫左以下呢幾道菜式：紅菜頭汁煎帶子伴火箭菜青瓜片呢個賣相係經過精心設計，一望已經胃口大增，帶子煎得外脆內鮮，外面煎到金黃，又脆又香囗，入面又軟又鮮味，而且帶子每粒都好大粒，一啖食唔哂，要切開先得，正!辣蕃茄海鮮意大利粉海鮮非常足料，有青口、蝦、帶子、墨魚、魚...啖啖海鮮，而且辣辣地再加上蕃茄醬汁，非常調味，海鮮亦都好鮮味，意粉亦都好入味，整體不俗~橙汁皆因呢杯係新鮮榨出黎既橙汁，特別影出黎同大家分享一下，鮮榨係最好的，又鮮甜又多果肉!yummy ~~ 朱古力多士黎到呢間餐廳食飯，食甜品自然成為指定動作，我好鍾意食movenpick 既朱古力雪糕，所以點左呢個，雪糕配多士，真係好好好味，不過如果少d忌廉，又或者將蜜糖取代忌廉，可能會清一點，更加適合愛廋又愛吃甜品既女仕~~ 餐廳