影片
更多
2022-07-23
18 浏览
必食人氣十八層海膽杯😍 成日見到人地食呢個十八層海膽杯好吸引，咁啱朋友生日諗緊食咩好，一於就揀呢間啦，經openrice訂位仲有八折超抵，估唔到連鐵板燒都有omakase，同朋友約會或者慶祝生日就最好不過 ✨️人氣十八層海膽杯一人前Omakase ($1388) 🥗小砵: 時令前菜 & 時令沙律首先食啲開胃前菜，四款前菜包括有: 沙葛沙律、薯仔沙律、櫻花蝦玉子、岩手縣海膽，沙葛沙律爽脆食到索索聲，薯仔沙律賣相好似雪糕咁，薯仔好綿滑夠開胃，玉子燒好有層次，配埋櫻花蝦好夾，岩手縣海膽口感creamy味道鮮甜，正 🍧十八層海膽杯呢個十八層海膽杯真係好震撼，主要會用北海道紫海膽，味道十分鮮美，甘中帶甜，中間夾雜左其他配料，例如拖羅蓉、磯煮鮑魚、粒貝、松葉蟹肉等等，賣相已經好適合打卡，睇得又好食 🦞海膽醬芝士焗龍蝦食完冷盤就開始食鐵板燒啦，打頭陣既係活龍蝦，真係好生猛，上到枱仲郁緊既，用爐熱住佢都驚佢彈出黎呀，師傅起左龍蝦肉，將龍蝦膏加埋海膽醬拌勻，龍蝦尾加上芝士一齊焗，香濃之餘亦唔會好漏，龍蝦肉煮得剛剛好，爽口彈牙，鮮味十足 🦪時令貝類: 蟶子蟶子都處理得好好唔會有沙，大大隻既蟶子好厚肉，師傅細
成日見到人地食呢個十八層海膽杯好吸引，咁啱朋友生日諗緊食咩好，一於就揀呢間啦，經openrice訂位仲有八折超抵，估唔到連鐵板燒都有omakase，同朋友約會或者慶祝生日就最好不過
✨️人氣十八層海膽杯一人前Omakase ($1388)
🥗小砵: 時令前菜 & 時令沙律
首先食啲開胃前菜，四款前菜包括有: 沙葛沙律、薯仔沙律、櫻花蝦玉子、岩手縣海膽，沙葛沙律爽脆食到索索聲，薯仔沙律賣相好似雪糕咁，薯仔好綿滑夠開胃，玉子燒好有層次，配埋櫻花蝦好夾，岩手縣海膽口感creamy味道鮮甜，正
🍧十八層海膽杯
呢個十八層海膽杯真係好震撼，主要會用北海道紫海膽，味道十分鮮美，甘中帶甜，中間夾雜左其他配料，例如拖羅蓉、磯煮鮑魚、粒貝、松葉蟹肉等等，賣相已經好適合打卡，睇得又好食
🦞海膽醬芝士焗龍蝦
食完冷盤就開始食鐵板燒啦，打頭陣既係活龍蝦，真係好生猛，上到枱仲郁緊既，用爐熱住佢都驚佢彈出黎呀，師傅起左龍蝦肉，將龍蝦膏加埋海膽醬拌勻，龍蝦尾加上芝士一齊焗，香濃之餘亦唔會好漏，龍蝦肉煮得剛剛好，爽口彈牙，鮮味十足
🦪時令貝類: 蟶子
蟶子都處理得好好唔會有沙，大大隻既蟶子好厚肉，師傅細心地切好一小件方便進食，爽彈之餘味道亦好鮮甜
🐟時令海鮮: 白鱔
食完咁好食既蟶子就到白鱔，魚皮煎得非常香脆，魚肉嫩滑，配上秘製既醬汁，口感一流
🐮創作時令主食: A5威士忌和牛厚燒
食鐵板燒點少得和牛呢，餐廳選料上乘，用上岩手縣既和牛橫隔膜部位，以威士忌為飼料，肉色比一般和牛偏酒紅色，而且肉香味濃，煎到表面金黃色，入面肉質保持粉嫩，幾好食
🍆燒野菜
燒野菜既擺盤好靚，同其他餐廳既炒野菜唔同，出面多數都係用芽菜、椰菜、甘筍等等，呢度有南瓜、露筍、粟米仔，蓮藕、茄子，仲有最特別係紫薯棉花糖，食左咁豐富既海鮮同肉係時候要食返啲蔬菜中和返
🍚炒飯
最後就係炒飯同埋湯，炒飯上面加左隻流心蛋，煎到金黃色整穿佢將蛋汁送飯特別好食
🍲吸物: 特色紙包花膠羊肚菌蜆湯
壓軸出場既蜆湯一啲都唔馬虎，花膠煮到好腍，有豐富既骨膠原，配埋鮮甜既蜆肉，啖湯好清甜，壽星都表示好滿意，正
张贴
