十八夢

营业中

休息中

咁快有得食生日飯真happy😘 朋友帶我去一間超有特色餐廳，原來銅鑼灣都有一間餐廳可以一邊食飯一邊聽mini concert，成晚氣氛好好，2位歌手由唱最新Gareth T用背脊唱情歌，再唱到去許美靜的失戀歌，全部都係經典，加上餐廳食物同樣高質，過咗一個超滿足嘅Happy Friday 我哋頭盤叫咗大啡菇，最精彩係魚子醬多士，配埋沙律開胃又好食，食完頭盤其實開始聽歌，呢兩個後生仔原來參加過造星，唔怪得熟口熟面，真係唱得幾好聽，今晚主題原來係失戀情歌，所以好多歌我都識唱，普通話/廣東話佢哋都駕馭到，我同朋友自high拎住電話搵歌詞跟住唱到主菜我哋點咗鮑魚墨汁意大利飯，意大利飯軟硬度剛剛好，另外肉眼扒五成熟，牛味濃郁唔會好多根，配埋醬汁一齊食更加出色，最精彩係甜品時間可以攞住煙花，一路聽住歌一路同巨大甜品擺設打卡，多謝朋友安排咁有心思嘅一餐，真係非常滿足。