雲南風味過橋小鍋米綫 (已結業)

又係喺長沙灣附近做完義工，九點鐘好肚餓要搵嘢食，平時都唔係好鍾意食米線但係有好多friend推介呢間雲南小鍋米線覺得好正宗喎，就遷就一次佢哋去試吓呢間米線啦。呢度最多人叫就係佢哋嘅汽鍋雞，一打開個蓋就已經有一陣超濃嘅雞味撲埋黎，食落去啲雞好滑一啲都唔嚡，雞件份量算中等，最好兩至三個人分。後面仲有一堆雲耳墊住，吸晒啲雞汁精華，超讚啦當然一個汽鍋雞唔夠我哋食啦，幾多叫多咗個炸醬雞肉米線，炸醬令到個湯啲鮮味更加出，適合我哋呢啲重口味嘅人，當然米線入面嘅雞肉會比汽鍋雞嚡少少，但唔會𡁻唔開咁過份。