Ulyssa by Aldou (已結業)

昨日happy friday，收工早少少走，約咗朋友先食一個early dinner，之後至再搵節目！估唔到呢間工厦居然有這些高格調嘅西餐廳！餐廳格局優雅，位於工廈二樓，真係要識得捐窿捐罅才可以搵到啲好嘢食！每一張枱都有小燭光增加氣氛，值得一讚！環境令人十分舒服！頭盤點了水牛芝士沙律拼新鮮水果，水牛芝士 不算太濃味但很香口，水果及沙律菜都很新鮮 好讓我們清清口腔！鮮番茄餐湯很醒胃……海鮮多寶魚，真的很鮮甜，仲有藍貝，肉質結實，上檯擺碟都很講究！仲有皇帝菜，新鮮筍條，用料一啲都唔馬虎！牛肋肉燴意大利飯，牛肋肉一啲都唔韌，入口咬落肉汁豐富，意大利飯黏度適中很有水準！而呢杯菠蘿沙冰可以話係透心涼，先用波羅 打碎再配以沙冰入口酸酸甜甜好醒神！