純麵舍

营业中

休息中

鰂魚涌呢個地方平時lunch time真係人山人海，但係一到放工之後其實就冇乜人。有一日放工行過想食啲嘢先返屋企，就發現呢一間新開既鋪頭，入面雖然唔多座位，但係勝在好有日本小店嘅風味。坐喺個拉麵師傅面前佢即席整拉麵俾你食，師傅仲好好教我點樣食沾麵先至係品嚐到佢哋拉麵嘅特色，雖然睇落去份量好似唔係好多但係其實一個女仔食係超 級 飽！而且佢個湯同我喺出面食嘅沾麵係有分別，出面嘅湯底係會比較濃稠，但係呢間小店嘅湯底就比較清澈，但係又唔會冇咗平時沾麵嗰種湯嘅味道，所以話其實食得出佢哋係好有誠意去整個湯底，用咗好多材料去熬製而成，值得一試。每個人嘅口味都會唔同，有讚亦都會有彈，唔好嘅地方係佢個面嘅質感好似煮得太過淋，所以變相左食嘅時候有啲黐埋一舊，同埋個湯底雖然係好清但係其實都有啲油浮咗喺面，所以都唔敢飲晒佢個湯底。雖然我叫呢個係辣湯底，面頭有可能係辣油，但係其實明顯地分得出，辣油定係個湯底本身油嘅感覺。