壹籠籠點心 (已結業)

啱啱收工，又餓又攰之際，行過馬蹄徑，見到間新開嘅24小時點心店，店面簡潔，難得觀塘區咁夜都竟然有點心食，於是二話不說就衝上去試過究竟啦，點知一上嚟俾d裝修嚇親，以為去錯咗間壽司舖，因為一上嚟居然見到部子彈火車响我面前條路軌行過，原來佢哋d點心係用火車送去客人面前，幾得意喎，創意幾好，而且可以手機掃QR點餐，都幾方便，隨手嗌幾個點心試下，首先嚟咗個迷你籠仔糯米飯，賣相幾靚，送到嚟都仲出煙，飯嘅軟硬度偏軟咗少少，但味道好香，幾好食，之後嚟咗個芥末海蜇，都好食，不過味道略嫌偏淡，最後嚟個流沙煎堆仔，呢個最有驚喜，嚟度熱辣辣仲有煙，咬開脆卜卜，而且裡面奶黃都幾多，口感唔錯，會再返嚟試其他點心！