影片
以上资料只供参考，请与餐厅确认详情
一心谂住去食点心，点知去到见到饭堂隔局，有好多款𩠌比你选择。一问之下，原来已经无卖点心。横掂黎到，试吓。36蚊两𩠌饭，送茶或汤。味道都唔错，回锅肉居然用花椒，有惊喜。
继续阅读
自从兼卖两𩠌饭餐$36连汤/饮品后多左帮衬椒盐猪扒必吃 食到有香茅椰浆味道 腌得几入味 有些炸蒜同辣椒碎挂面 钟意食既应该几满足 仲有个老火例汤都几清甜同够热 饮落顺喉个白饭食落唔会太腍正常 最怕食到烂饭 都唔知煲左几耐咁其他𩠌菜都有质素 有好多选择 例如回锅肉落足花椒辣椒煮 都几香惹味 自己觉得唔算太辣凉瓜牛肉炒得唔老岩岩好 睇得出煮得都几有心机唔会死咸附近就多车仔面就无咩外卖两𩠌饭拣 所以追求快靓正又贪多款可以拣呢间试下
继续阅读
突然想食点心，发现呢间匿喺啲棚架下面见到下面无位坐，以为系外卖点心舖，点知原来楼上系堂食装修设计全部以日式风格为主连茶都系俾绿茶，唔系平时中式嘅浓茶，而呢只绿茶又几好饮个老板好似几识谂gimmick嘢送点心系用火车车轨，估计系参考日式风格嘅同上次去食sushiro一样咁款不过每次一到就会叫枱号拎点心，啲声略嫌有少少大声金鱼鲜虾饺斋睇差啲唔记得自己叫过外表系金鱼造型，入面系虾饺嚟都算有料，虾肉都爽嘅，整条金鱼嘅皮厚咗少少不过好有gimmick，可以打卡流心鹌鹑蛋烧卖开头以为只蛋系平时酒楼咁放烧卖上面只蛋放咗入面，啲蛋汁喺烧卖入面呈流心状好似食egg benedict咁流心蛋汁同烧卖混合，好滑好滋味爽弹鲜虾肠肠粉皮可以俾合格嘅馅料会俾高啲分，因为佢真系好唔吝啬咁放虾肉夹开一半之后旧旧都仲有成旧虾肉而且虾肉唔系梅嘅，几爽口姜汁鸡包仔鸡包仔落咗姜汁，入口好重姜味几新鲜，馅料充足四宝滑鸡札值得一赞系只鸡札入面有火腿+鱼肚+冬菇+鸡髀肉已经好久无食过鸡札入面真系有火腿同鱼肚啦迷你版咖哩鱿鱼质素尚可，迷你版份量都唔算少入味少少会更好荷叶花菇滑鸡笼仔饭饱肚之选，不过入味少少会好啲流沙煎堆仔煎堆入面系流心状态食完其他点心再食，个馅都未凝固入口外面香脆，内里软心灌汤饺专登叫呢个嘅，睇吓系汤灌饺定灌汤饺起码佢知道系一只上，汤系放饺入面虽然加咗上汤，但无上汤反而会更好爆趣QQ紫薯包呢味好特别好得意开头睇到以为自己无叫到外接系冬菇造型搣开佢先知原来系紫薯包个包啲皮表面似平时面包舖啲面包上面层皮入口几香入面都系普通酒楼包咁不过内馅系紫心蕃薯状蕃薯蓉几绵密，入口只系轻轻有甜味上点心上得好快，唔怕等得耐会饿有好有唔好，钟意相机食先就可以一次过影wide shot但有机会有啲会摊冻所以建议点心最好都系趁热即食价钱叫咗超过10碟有多，2个人都系200松啲真系几抵食！
继续阅读
好耐冇饮茶啦！夜晚拣左一间新开嘅酒楼同爹嗲食晚饭。餐厅打破传统酒楼格局，布置成日式餐厅，好似回转寿司咁，枱面有水机自己倒热水，以茶包取替茶叶，点心就用小电车传送，很有趣，爹嗲都觉得很惊喜，系打卡好地方🤣睇餐厅简介，佢哋有三大卖点：1. QR code 落单2. 用小电车送递点心3. 迷你点心近年乜嘢都要scan 一scan , 用QR code 落单可以免除人手下单出错问题，当按下落单，厨房收到单后，就会即刻将点心由小电车送到你枱号码，客人就需要从小电车上取出点心。因为每件点心即叫即蒸，所以每样食物都热辣辣，出餐时间亦好好，唔会等好耐。其中我最欣赏佢地个剪猪流心包，外面很脆口，咬落去就有奶黄流出。 以前好怕饮茶，因为每件点心大大件，会好快饱；佢哋一口点心既设计可以令客人叫多几样唔同点心食。两个人埋单220蚊食到九个点心，仲有依个新体验都唔错啊！
继续阅读
朋友搜罗了一些物资，说要分赠一点给我，实在让人感动。为免她舟车劳顿， 所以相约到她公司楼下接收，顺便一起去吃顿晚饭。朋友话佢公司附近最近开咗间迷你点心专门店，店内的点心味道唔错，水准绝对赶得上不少名店，而且价钱好亲民，所以想带我去试下。店舖位于马蹄径，由牛头角站行过来只是数分钟路程。楼下以外卖为主，而用餐区则设于楼上。沿著梯级往上走，原来店内地方都几大，除了卡位外，还设有一列吧台位，唔讲仲以为自己去咗间回转寿司店添。餐厅采自助形式落单，客人只要扫一扫二维码，便可以即刻用手机点餐。至于食物方面，同一般点心店一样，分门别类，不过就以迷你版为主，所以就算叫多几款都唔怕食唔晒。入座后店员会送上杯和茶包，而墙身则设有用茶杯按出水的水喉，客人可以自助斟水，茶位费每位 $5。这里的点心不是以人手送上，全部用「高速列车」或「军舰」经路轨送递到客人面前，非常特别！荷叶花菇滑鸡笼仔饭 ($19)：鸡肉蒸得很滑，无骨；冬菇好大片，饭面淋咗豉油，米的质素亦唔错，粒粒分明，入口带有荷叶香，加上饭量十足，食完都几饱肚！酱皇蒸凤爪 ($15)：凤爪好大只，外皮滑嫩，食落软腍又够入味，酱油豆豉带少许微辣，味道非常惹味。竹炭鲜虾饺 ($19)：虾饺造型好特别，每只都分成黑白两色，黑色那面外皮加入了竹炭粉去搓，而另一边则用上普通水晶皮，望落去只只都好晶莹剔透，入口烟韧，虾肉爽口弹牙而味鲜。是日炖汤 ($20)：炖汤用迷你瓦煲盛载，是日炖汤为青红萝卜猪骨汤，汤水火喉十足，应该无添加味精，打开盖时已闻到鲜甜浓郁的香味，非常足料。酥炸顺德鲮鱼丸 ($16)：鲮鱼丸一客有四粒，虽然粒粒Size都唔算好大，但系都非常抵食，而且最正就系鱼肉札实，食落够晒弹牙，唯一可惜就是无配埋蚬介，否则食味更佳。流心鹌鹑蛋烧卖 ($28)：其实初头还以为是店员弄错，因为喺烧卖面头见唔到有鹌鹑蛋，原来佢哋嘅做法比较特别，鹌鹑蛋系包裹喺猪肉同鲜虾之中，咬开可以见到原只鹌鹑蛋，而且仲有蛋汁流出，可见时间控制得非常之好。流沙煎堆仔 ($15)：煎堆仔一客有三个，份量不算太多， 面头铺满黑白芝麻，咬开烟韧的糯米皮会即时涌出热辣辣的奶黄流沙，奶黄味好出众，味道够晒浓，所以一定要记得趁热食。食完煎炸嘢梗系要配返个蔬菜中和一下，拣咗白灼菜心 ($15)：菜心以清灼方式烹调，每条都相当粗壮，色泽翠绿，而且灼得合时，食落新鲜嫩口又无渣。甜品点咗姜茶汤丸 ($15)：汤丸用迷你木桶盛载，外皮几烟韧，内里有满满的嘅黑芝麻馅，加上甜度适中，用作饭后甜品就最适合不过，食完成个人暖笠笠。以「新派」点心店而言非常抵食，平均廿蚊份点心，食物有水准，在百物腾贵的今天，实属难得。
继续阅读