鍋卷鳴門 (已結業)

朋友知我鍾意食海鮮又鍾意打邊爐就約咗個海鮮邊爐～好正啊！呢度海鮮係任食㗎！仲有最緊要係真係好新鮮全部都好生猛！撈唔盡嘅蟹、鮑魚、蝦！唔會限住幾多，食得幾多就撈幾多！我哋食咗好多蟹，每隻鉗上黎 都仲係咁橫行～😆 蝦仲會彈黎彈去，要鉗實佢先得揀咗鴛鴦鍋～麻辣蕃茄、同埋鰹魚湯～海鮮烚熟咗之後好好食～真係食得嘅鮮味！蟹肉好多好豐滿鮮嫩、鮑魚好靚烚極都係肉汁都仍然保持軟林林又彈牙～蝦都好鮮味～除咗海鮮零食仲有其他火鍋料～可以手機落單點樣牛肉、日式刺身、小食等～出面仲有好多生菜、丸仔、飲品可以任取～仲有好正既雪糕櫃，同fd子食左好多😆