金子半之助 (奧海城二期)

营业中

休息中

今日係大角咀做完嘢已經到咗lunch time,打算係附近食埋飯先走。去奧海城就一定無錯，餐廳夠多搵食絕對唔難。見到金子半之助餐廳係日本過江龍，基於三年思鄉之苦實在難忍，於是決定食呢間！餐廳地方座位寬敞，一入門口職員親切地用日文講歡迎再帶入座。餐牌上款式不多只有數款，不過每款也是非常吸引。一坐底職員送上黑豆茶，茶味甘香外，據說還有除濕熱的功效！等待的期間，枱上亦有一些簡單介紹，他們的天婦羅用上日本特製的高級胡麻油，所以天婦羅的色澤會較光亮和炸出來的天婦羅會較香！牡蠣車海老天丼，呢款是期間限定，除左牡蠣之外，還有車海老、小柱魷魚天婦羅餅、莢豌豆、海苔、溫泉蛋等材料，牡蠣外層炸得脆身但入口juicy！車海老爽口彈牙，味道也是不錯！擔心卡路里的我揀了迷你天丼&稻庭烏冬，每款也可以淺嘗之餘份量又剛剛好！稻庭烏冬經過冷河後，麵條彈牙口感不錯！