日牛涮涮鍋專門店 (已結業)

呢日同friend去食日牛，晏左去搞到等位等得幾耐，建議大家lunch嘅話揀佢開門時間去會好d。可能就係因為咁，肚餓嘅我地覺得d野特別好食。我叫左個豚肉+牛肉嘅餐，肉同煲好快就黎到。不過豬同牛嘅顏色非常相似，未食根本分唔清。蔬菜係任食嘅，而且種類好多，食落都好新鮮。仲有d類似魚蛋嘅丸，同平時嘅魚蛋唔係好同，幾特別。除左普通嘅火鍋料，任食froyo先係最吸引人嘅地方，droppings選擇唔多，但唧fro yo簡直就滿足左將froyo唧滿隻杯嘅心願。整體黎講，味道雖然冇乜特別（個人認為火鍋道道都差唔多），但的確好抵食，$100唔洗就食到好飽，而且一人一鍋夠衛生。