錦日本料理 (已結業)

年初五開工,第一餐我地行左去淘大食晏,本來諗住食素的,但係未開門,係對面見到有間日本嘢都有諗過食既,就去啦,三個人每人點左一份LUNCH SET,嘩,有個定食好抵,59元可以選三樣嘢,都幾多款揀喎,我揀左三文魚刺身,薯餅同埋牛肉,賣相非常之討好,份量都唔細的,有一大碗飯,飯入面有些芝麻及脆脆地既嘢,好香都幾好味喎,一碗面豉湯,面豉湯入面有些海帶,豆腐,唔係好咸,味道OK,牛肉幾好味,如果多D汁仲正,都幾多的,薄薄地一塊,三文魚刺身有兩件,OK肥美,薯餅上面有些醬,都幾香口,好味的,入面好淋身的,不過唔算太熱.同事分別點左一個牛肉烏冬配壽司,烏冬幾大碗,係咖喱味道的,同事話好味及烏冬都彈牙的,壽司有四件,三文魚,甜蝦,魷魚及腐皮,賣相OK,我食左件三文魚都鮮甜的.另一個同事叫左一碗豬軟骨拉麵,都好大碗喎,佢話豬軟骨都好淋入味,拉麵都OK呀,另外還叫左一客小丸子,我食左一粒OK,不過入面多粉左少少,同埋唔夠熱呀!!