金鶴拉麵 (和富道) (已結業)

下晝去咗北角一帶探朋友，探完朋友都有啲夜啦，決定買外賣返去！呢間金鶴拉麵都幾抵食，超值套餐2人都係二百零蚊，決定一試。返到去涼咗少少，所以會加返熱，同埋等啲面變林啲！二人餐主食可以叫兩款，有咖喱飯、拉麵等等，呢間主打拉麵，一於叫兩碗啦！佢地分別係雞白湯拉麵 & 黑蒜醬油湯拉麵。雞白湯拉麵湯底白色的，非常特別，雞味香濃，配上嫩滑的雞肉柳，吃下來很不錯，還有豚肉、糖心蛋、木耳等等材料好豐富。黑蒜醬油湯拉麵夠香口，啲湯汁我都飲埋，麵條軟硬適中配料大致上同雞白湯拉麵差唔多，豚肉大大塊，糖心蛋好好食😋跟餐小食 & 單點小食ss跟餐嘅日式餃子（4 PCS），餃子外皮香脆，內裏餡料充足。跟餐嘅燒黑豚肉串（2 PCS），燒得香口，肉質比較乾身，但配上醬汁都幾好食。唐楊炸赤雞（3 PCS）$38，炸得乾身，點上少少鹹粒，味道更止一層樓。餐飲有可口可樂Zero，夠凍，好正好爽🥰整體來講覺得好抵食，下次都會幫襯。