肥媽小食店 (已結業)

今日放工唔太餓，就諗住係紅磡附近掃吓街，行到去土瓜灣經過依間小店，傳嚟陣陣嘅香味，就忍唔住要試吓啦。首先店鋪雖小，但選擇好多，而且價格又平。我就叫咗個撈公仔麵套餐，有咖哩汁同滷水汁揀，估唔到咖哩汁仲有青咖哩、紅咖哩同秘製咖哩揀，咁當然要試吓秘製咖哩啦！出外食撈麵最怕食到煮過時嘅軟麵，但依間煮得啱啱好有咬口，而且秘製咖哩汁味道較柔和，食起上嚟冇咁大負擔，令人食個不停。另外套餐包嘅凍熱飲同價，有即沖嘅阿華田及檸茶等等，我點咗凍檸茶，職員仲親切地問需唔需要幫我哋督埋檸檬好貼心啊。下次一定要再嚟試吓個滷水雞脾同紅咖哩撈麵