富士山 (已結業)

今次係第二次食呢間餐廳，對上一次質素都ok，而且食午餐都都只係49蚊 仲要包埋飲品。上次食係好正常，舊三文魚係我認識嘅三文魚。不過今次，真係好唔掂！！我同朋友都叫咗碗雜錦魚生丼，望落好正常，食到三文魚個陣，我呆咗… … 咩嚟？我未食過咁嘅三文魚生，連皮食？三文魚皮可以生食㗎咩？碗飯有兩塊三文魚，食第一塊都係近皮嘅位，吐咗所以就唔影啦，呢塊係第二塊，都係皮嚟。而朋友個碗，都係三文魚皮嚟。我覺得49 蚊都唔可以話好高要求，不過呢塊三文魚皮，過份咗啲囉 ，一係你細舊啲，一係就加價，比塊咁嘅嘢？呢間餐廳，食熟嘢可以，不過生嘅就不了。