至尊滿屋日本料理 (已結業)

旺角一向都好多放題食 而且選擇多今次我同朋友就揀咗呢間係未試過嘅至尊放題嚟食 ，平日嚟食放題都好多人，要訂左位先有位，可見呢間餐廳有幾受歡迎啦。首先係放題必備既刺身，三文魚超級厚身，深海大赤蝦 刺身夠曬大隻，每款都幾新鮮，而且被足數。之後講一講個人十分推介嘅火焰壽司，基本上佢哋嘅火焰首先每一款都好正，個人平時十分鐘意食火焰壽司，而呢度嘅火焰壽司都有番咁上下，我就只係試咗火焰汁燒鰻魚鬚，焦糖燒三文魚，火焰和風牛肉 同埋 火焰原條海鰻壽司。 建議大家可以每款都試下，因為佢啲款都比較特別，而且有啲醬汁一啲都唔乾身，食落有種軟滑嘅口感。 另外一讚嘅係佢嘅串燒，睇得出佢係落單即燒，因為上嘅時候都仲係熱辣辣，個人最鍾意嘅有翠玉瓜同埋牛舌，串燒比較原汁原味 ，但係同時保留住食物嘅水分，特別係佢嘅牛舌 十分薄身但一啲都唔乾 帶點爽口。 放題嚟講整體水準都唔錯，而且選擇十分多，唔單止食物選擇多 而且飲品嘅選擇都非常多，連清酒都可以任飲，但係個人試完就唔太喜歡啦，有得試下都唔錯嘅。而且仲有movenpick嘅雪糕食 食完十分滿， 而且服務都唔錯足，上菜上得都好快，唔洗點等。