第三站

今日去開旺角，睇食評有好介紹，知道第三站又就腳，就專程去試下。依度d卡位好寬敞而且係大梳化，坐得好舒服。今次order左蟹肉雜菌忌廉闊條麵餐，配田園沙律及甜品法國朱古力芝士蛋糕，另小食嗌左蜜糖芥末單骨雞翼及日式餃子，飲品有"月亮"及"戴安娜"。蟹肉雜菌忌廉闊條麵有超多蟹肉，配埋雜菌有吾好口感，闊條麵沾滿忌廉汁我最鍾意。田園沙律夠fresh蔬菜好新鮮，朱古力芝士蛋糕有濃濃朱古力香，好好味。單骨雞翼夠方便，點埋蜜糖芥末醬食一流，日式餃子外層香脆，包住入面餡料肉汁好回味。月亮"係荔枝波蘿冰沙特飲，熱天飲好爽，"戴安娜"係玫瑰花茶熱飲好解膩。