隨心 (已搬遷) 新店位置

今次特登約埋朋友，一行二人去左食位於鰂魚涌太古坊嘅「隨心」。喺街頭已經見到大大隻字寫左華人喇沙、海南雞飯。坐底一於叫齊依兩個招牌菜色先。擺到靚一靚嘅海鮮喇沙，喺menu入面嘅重點推介，賣相極佳，打卡非常啱key! 有兩隻大大隻嘅蝦、巨大帆立貝、大大塊嘅魚片、仲有松葉蟹柳兩件，份量啱啱好嘅半邊雞蛋。賣相相當討好之餘，製作仲好正宗添，米粉瀨粉兩溝，果然夠哂地道！湯底濃而不膩，辣油比例高係優勝之處呀！湯底鮮香creamy，食到停唔到口呀！海南雞飯賣相唔輸蝕，附帶嘅三色醬明顯係自家調培，三色醬嘅味道喺第二度試唔到咖！油飯每粒都夠晒濃香，搞到筆者食完咁多味菜式之後，堅持清碟，食到一粒都無剩。個雞湯用杯上，真係極之極之好味。會杞落子熬煮鷄湯嘅店，「隨心」真係唯一一間，而且咸度適中，改善左鷄湯經常太咸嘅印象，個雞湯真係極尚！叫左黑蘿蔔糕，個醬好有特色，糕身幼滑，多哂鑊氣，試過你一定唔會後悔！食新加坡菜一定會點串燒，「隨心」嘅串燒一碟六串，有齊雞同豬同牛，伴碟汁唔係沙爹，反而令串燒嘅熱氣感減低，喉嚨好舒服，依個配塔好讚！試左佢嘅椰漿汽水，主打清甜，真味，大大杯，仲有菠蘿同蕃石柳鮮味切方，好抵飲！今次兩