Ikigai Concepts (已結業)

由於疫情變嚴重左既關係，被公司臨時通知要暫停營業14日，緊係即興約朋友食飯聚下啦。網上搵到間環境好靚又大間既餐廳，連裝修都好有特色，好岩影相，最重要係日本野，緊係馬上打電話訂位啦。到左餐廳發現設計好特別，好多打卡位，位同位之間既距離都好闊落，就算除口罩食野都唔洗驚。我地叫左炭燒牛舌丼同鯛魚湯烏冬套餐，烏冬湯係奶白色，飲落好濃郁，鯛魚好新鮮。炭燒牛舌都好香，牛舌非常嫩，牛舌邊邊係焦脆焦脆，連埋飯一齊食好正。套餐有埋味增湯，茶碗蒸，我地都食得好飽！CP值好高！