Potluck Eatery

好開心，又發現咗一個好姊妹聚腳好地方。呢間餐廳環境好舒適，入到去令人感覺好寧靜，再加上有一啲輕音樂，好似去咗世外桃源咁。餐廳仲有D打卡位，啱晒好姊妹聚會影吓相。今日頭盤係雜菜湯加蒜蓉包。雜菜湯熱辣辣好足料而蒜蓉包ok。🤗主菜order jor 忌廉茄蓉蟹肉龍蝦扁意粉＆炭燒法式豬鞍架拌紅桑子汁💁🏻‍♀️我好鍾意個龍蝦蟹肉意粉，龍蝦彈牙啖啖肉😍。而意粉亦配有好多蟹肉。仲好到香噴噴。成個意粉都好美味好夾。❤️另一個主菜 豬鞍架💁🏻‍♀️肉質Juice幼嫩👍🏻。而且配菜嘅薯仔好有驚喜好好味！我個人就最鍾意佢嘅紅嗓子汁好鮮甜，同豬鞍好夾好出色。甜品有cheese cake 及多款口味嘅雪糕選擇，但係我哋就揀咗綠茶雪糕同埋cheese cake😚餐飲好大杯，茶杯亦都好精緻。食飽之後，仲可以一路傾偈一路飲嘢。真係好適合好朋友好姊妹gathering 👍呢度坐得舒適之餘亦都冇時間限制, 餐廳服務態度亦都好好, 感覺好舒服整潔。好難得香港可以搵到一個咁舒服嘅聚腳地方，所以我都極之推介。會同姊妹繼續嚟。