影片
更多
2008-11-30
26 浏览
是晚的大餐，是為了同11月及12月生日的兩位好姊妹，及 12月13日 Suki好姊妹婚之好姊妹團而設的~ 真係一晚慶哂同傾哂咁多個targets 呀!! 揀左黎 「湘川滬 」，因為方便大家，而且又係鐵路沿線，走都可以方便d丫~kakaka 是晚照舊，由我發板，哈哈.....唔寫食評都唔知道，原來一共叫左 18 款菜 真係咁好意頭呀~四人餐﹕無錫脆鱔﹕細細碟，一上桌就好快被清 我好似...無食到忝丫 可能上菜果時我忙住角色扮演啦~~~ 但見咁快連影都無左，估計應該味道唔錯卦~洞庭湖小魚﹕呢碟魚仔...味道一般 無咩特別...類似阿媽蒸 咸魚仔 果d東東...但佢就炸左既，再有d油咁既液體浸住...到尾都仲存在...睇黎大家都唔係咁欣賞滋補花膠四寶羹﹕由於是4人餐，估佢份量唔會多，但都可以分到9碗喎 所以如果真係得4個人食，應該每人要飲最少兩碗 呢個羹都幾多料，味道都幾好，清清地咁...唔錯~ 散叫要 $ 128 架湘西土匪牛肉﹕本來想揀「京蔥爆牛肉」，但 珊姐 話要辣一辣佢，所以就揀了一上枱便知是勁辣既 土匪 喇~ 嘩....成碟只見一隻隻既辣椒，牛肉就...唔係好覺眼啦 由於我唔食
四人餐﹕
無錫脆鱔﹕細細碟，一上桌就好快被清 我好似...無食到忝丫 可能上菜果時我忙住角色扮演啦~~~ 但見咁快連影都無左，估計應該味道唔錯卦~
洞庭湖小魚﹕呢碟魚仔...味道一般 無咩特別...類似阿媽蒸 咸魚仔 果d東東...但佢就炸左既，再有d油咁既液體浸住...到尾都仲存在...睇黎大家都唔係咁欣賞
滋補花膠四寶羹﹕由於是4人餐，估佢份量唔會多，但都可以分到9碗喎 所以如果真係得4個人食，應該每人要飲最少兩碗 呢個羹都幾多料，味道都幾好，清清地咁...唔錯~ 散叫要 $ 128 架
湘西土匪牛肉﹕本來想揀「京蔥爆牛肉」，但 珊姐 話要辣一辣佢，所以就揀了一上枱便知是勁辣既 土匪 喇~ 嘩....成碟只見一隻隻既辣椒，牛肉就...唔係好覺眼啦 由於我唔食牛既關係，所以都唔知係咩味 但見呢碟到最尾仍生存一小撮，所以估計味道應該唔係太好~ 可能大家都被佢個賣相---辣椒山，嚇怕....
干貝賽磅蟹﹕d蛋白幾滑，干貝就唔係咁多，味道是幾好的，呢碟好快就清左
洞庭豆酥富貴魚﹕呢碟上枱時都唔知佢咩名...因為佢既賣相就係一碟用小棠菜圍邊，中間有d一件件白色既魚塊...何謂之 豆酥富貴魚 ﹖﹖我覺得成碟好似平時果款「時菜斑塊」咁啦....味道一般，夠哂清淡
上海南翔小籠包﹕幾好喎，包內全是湯汁，包又夠薄，肉又鮮，呢款值得推介
精美甜品﹕本應只得4碗的馬蹄露，後尾同阿姐傾左幾句，唔駛加錢就可以
9個人每人一碗，good~~ 服務態度抵加分啦~
散叫﹕
北京烤鴨 (一隻)﹕華姐想食烤鴨，就叫一隻啦 由於製作需時，所以呢款係成晚不計糖水外，最遲上既一味 佢放抵左d配菜及薄餅，隻鴨就隨之而黎，但片鴨既阿姐既手藝就.....好一般... 而等佢片完想用d薄黎包d鴨時...點解夾唔開既﹖﹖華姐用手撕開d薄餅，但就一撕就爛不特只...華姐一食就話﹕「點解未熟既﹖﹖」好彩，阿姐都好好，同佢反映左後就即刻幫我地換過 新既一黎，我地就醒喇，立立聲將果籠薄餅逐一分開，免得又黐埋一疊 其實隻鴨同薄餅既味道.....好好好一般 如果唔係唔得唔得既話，奉勸大家用呢 $ 180 叫其他菜好過~
腿茸浸菠菜﹕食飯又點可以缺少蔬菜架呢﹖﹗呢味菠菜整得幾好~ 唔會太油，味道剛剛好，又係好被清
蒜子豆苗﹕第二款菜，豆苗本身唔錯，是嫰口的，所以不會食到成口渣
d蒜子大大粒的，煮到腍腍地，埋哂喜歡食蒜既11月份壽星女~ 呢味菜味道幾好~
玫瑰荷香雞﹕呢味係經理阿姐介紹，佢話得返一隻，要就快手，否則一陣想要都無.... 原本想到已叫左一隻烤鴨....但 珊姐 話食得哂既唔緊要，所以就又叫左喇~
呢隻雞都幾搞野...製法幾特別~ 原來隻雞內裏是釀左d冬菇絲、肉絲、紅蘿白絲.....等等既材料，有d似北京樓既「乞兒雞」 但...我一般欣賞咋...我情願叫隻 豉油雞...
kakakaka
扣元蹄(大)﹕好味!! 一隻大既元蹄，扣得剛剛好，夠腍而又不韌，真係好好好味~~ 我呢個汁怪連d汁都唔放過，用黎撈埋d炒飯，簡直係一流呀!!!
三鮮窩貼﹕d窩貼真係煎得好靚呀 而且仲....一咬就爆汁忝呀!!! 話說 華姐 唔知道，佢一咬.....「咇~~」d汁射往坐在她身旁的 珊姐 度 射程都有差不多半米架!!!
kakaka~~ 富有咁大量肉汁既窩貼，又點會唔好食呀﹖﹖
炸春卷﹕珊姐 想食的，所以就緊係要 order啦~ kakaka 脆脆既春卷，配上內裏爽口既餡料，真係好掂~~
紅油抄手﹕抄手對我來說就即係 雲吞~ 用雲吞黎撈辣椒油及醬油，真係想起都流口水呀~~ 呢度既做法係 烚熟左既 雲吞 及 辣椒油混合了醬油的調味 分開上的，咁都好丫，可以照顧到不能吃得過辣既朋友，good d雲吞既餡好新鮮，唔會只得啖啖肥肉，真係唔錯唔錯~
瑤柱蛋白炒飯﹕點可以無五穀類架~ 所以在幾款的飯類中，揀了這一款，估佢應該係清清地既，會適合我呢班好姊妹既口味~ 果然，呢款炒飯味道清淡，炒飯炒得粒粒分明，眼見都有頗多瑤柱絲，唔錯唔錯，份量都幾多架~~ 最後，飯都清埋
三鮮炒拉麵﹕三鮮即係 海鮮，果真有 海參、蝦仁、魷魚....等等，無欺場喎
八十元有找既一碟海鮮炒拉麵，仲想苛求甚麼呢﹖﹖ 份量都幾多，味道又唔錯，料又足，下次都可以再 encore~
總括來說，是晚的 18 個菜都是及格有多的~ 埋單大約 $ 1700 平均每人唔駛 $200，算抵食架喇~ 除了這 18 個菜外，我地仲叫左8罐汽水及兩枝啤酒架 所以係唔係抵食呢﹖最後，在此再祝我的好姊妹﹕ 嘉嘉 及 香香 生日快樂，日日都開開心心~~ Suki 既婚禮就能順順利利，主恩常佑
张贴