釜之魂釜飯專門店 (淘大商場) (已結業)

今日中午喺淘大花園， 周圍都好多人，見到呢間舖頭要等位， 仲有時間淨就等一陣， 試下食呢間人人都話好食嘅日本嘢。 考試應生見我哋 幾個同事 著曬恤衫 ， 驚我哋等得耐 ， 預先畀咗餐牌我哋點定先 。 服務好周到 。入到去咗窗邊位置， 陽光透入嚟好舒服， 環境都裝修得好靚， 重點係有米豬連推介。 一定好食啦。 每個人叫咗一個set lunch， 個個都唔同。 未有得食之前已經上定前菜， 個豆住得幾好食， 未食正餐已經錦上添花。 到主菜嚟嘅時候， 個烏冬都幾靚， 特別係炸雞飯嗰個餐， 58蚊嚟講喺淘大都算幾抵。 食完再叫多杯凍檸茶， 可以自己落糖水， 茶底濃度啱啱好。 食完成個餐有種感恩嘅感覺。