享慢煮泰 (已結業)

見到有平台訂位有半價，價錢好吸引，所以同朋友兩個人黎食。星期日點鐘嚟到，店舖唔多人，店員都好好服務態度。流心凍蝦同牛角包真係好好食，個包熱辣辣，然後一切落去，滿滿嘅龍蝦湯就流出嚟，食到個尾尾位都仲有龍蝦湯，真係好正！由於真係太好食嘅關係，決定再encore多一個。而沙嗲雞串就不過不失，啲肉都算Juicy。燒西班牙黑毛豬頸肉好好味！個豬燒得剛剛好，而且個豬味好出。加上份量非常之多蟹肉龍蝦汁燴飯有非常之多蟹肉，依個飯係泰國米，所以個口感會偏硬少少，非常之喜歡！官燕椰汁燉蛋白伴北海道紅豆個甜品做得非常之政治，除咗有啲紅豆粒之外，亦都有將部份紅豆打咗做紅豆泥，好豐富嘅口感，而且唔會過甜，值得一讚！