藍天使餐廳 (已結業)

今日下午與同事原本想幫襯的餐廳排哂長龍，諗住唔想等太耐所以選擇咗呢間。由我哋入咗門口之後來來回回有3個侍應望咗我哋幾眼都無理會，最終我哋自己終於揾到個位坐低。睇咗餐牌之後想落單，嗌極無人理，D侍應個個直行直過，一係就埋堆傾計，於有一個拎住外賣路過我哋張枱嗌咗佢一聲，佢轉過來望咗你一眼，之後走咗！連一聲＂稍等＂都無！唉～質素無話可說。之後落咗2個下午茶餐：葡汁焗雞扒飯同叉燒炒烏冬，30幾蚊一個，冷熱飲都要另外加$。焗飯就好淡無味又唔熱，雞扒就無見到啦，得幾舊雞粒好干好鞋。炒烏冬就炒到個飯食完後先來竟然都係唔熱！5舊細叉燒加D豉油烏冬，淨係得杯熱檸茶還可以，實在諷刺。D餐具都好污糟要再抹過，老老實實講，物不對價，食物一般服務質素又差，出去埋單個收銀都好串，真係食完心情都唔靚，絕對唔會再幫襯～