藍天使餐廳 (已結業)

今日下午與同事原本想幫襯的餐廳排哂長龍，諗住唔想等太耐所以選擇咗呢間。由我哋入咗門口之後來來回回有3個侍應望咗我哋幾眼都無理會，最終我哋自己終於揾到個位坐低。睇咗餐牌之後想落單，嗌極無人理，D侍應個個直行直過，一係就埋堆傾計，於有一個拎住外賣路過我哋張枱嗌咗佢一聲，佢轉過來望咗你一眼，之後走咗！連一聲＂稍等＂都無！唉～質素無話可說。之後落咗2個下午茶餐：葡汁焗雞扒飯同叉燒炒烏冬，30幾蚊一個，冷熱飲都要另外加$。焗飯就好淡無味又唔熱，雞扒就無見到啦，得幾舊雞粒好干好鞋。炒烏冬就炒到個飯食完後先來竟然都係唔熱！5舊細叉燒加D豉油烏冬，淨係得杯熱檸茶還可以，實在諷刺。D餐具都好污糟要再抹過，老老實實講，物不對價，食物一般服務質素又差，出去埋單個收銀都好串，真係食完心情都唔靚，絕對唔會再幫襯～

叫了一個早餐，沙嗲牛肉意粉，煙肉腸仔，凍奶茶。沙嗲牛肉無沙嗲味，牛肉又鞋，無味，湯都無味，意粉正常但份量好少，煙肉好乾，腸仔正常，奶茶好多冰，淡而無味，無奶味，茶就好濃。成份早餐都唔好食呀，且都幾貴，成31元呀。

貪好坐又有電視睇去左呢間野食早餐，諗住話哂做扒既，唔衰得去邊，點知中晒伏。比預期差好多倍。叫了雞扒加薯餅加香腸，以為香腸會比二條我，但只給了一條，大x樂係比二條架，主打的雞扒都做不好，一來細塊 又凍又實，仲要一D味都無，重申係一D味都無，好似啱啱係雪房拿塊無調味未解凍的雞扒去煎熟加D汁就比你食甘，差劣，唔要求好似榮記雞扒做得甘好，但都唔好甘無心去做呀，做得飲食就唔該拿點誠意啦。唯一薯餅係好脆同熱的比麥記好食，真係好諷刺囉。杯凍奶茶亦都沖得唔好飲，無茶味，奶又唔夠，D冰又冲淡晒杯奶茶。呢份餐收我成31元，我下次唔會再光顧囉!

途經黃大仙龍翔廣場，因為趕時間無睇食評便入左去，見全場滿座，心想應該唔會太差吧，點知係出乎意料的差。黑椒牛柳絲炒意粉：這是下午茶餐份量少都算，牛肉得三小片而且好韌有渣，意粉是涼的，我以為自己叫了冷盤。楊州炒飯：這款炒飯很經典，只有少量火腿+雞蛋炒飯，不如索性叫鷄蛋火腿炒飯，而且是涼的，可能是一早炒好的。

這天晚上和兩位朋友到藍天使餐廳晚餐。去到都唔洗等位。一行三人叫左三個餐，包括一個西冷扒，焗豬扒飯同一個石燒牛柳薑炒飯。首先上嘅係羅宋湯，羅宋湯鹹淡適中，而且唔會太辣，亦都適合小朋友飲，湯的熱度亦足夠。西冷扒肉質鮮嫩，而且配合香濃嘅黑椒汁，十分美味，除薯菜外，我們還另加意粉，意粉十分彈牙，不會太林。焗豬扒飯的茄汁酸甜適中，而且豬扒肉質得鬆軟，值得一試。石鍋飯嘅炒飯炒得適中，不會太林，亦唔會太生，而且配合薑，十分之香，牛柳軟硬敵中，肉質亦十分嫩。餐飲叫左熱即磨咖啡，涷奶茶以及熱檸水。咖啡十分香濃香滑，涷奶茶奶和茶比例適中，茶不會太苦，但我認為較甜，檸水就無咩特別，但檸蒙感覺都幾新鮮。可能係晚市，侍應人手方面比較緊張。

很多年沒有到藍天使餐廳吃飯, 對上一次已經是多年前它剛開業的時候, 那時這裡仍是一間頗高級的西餐廳. 不過時移世易, 留落凡間的天使已經變得親民, 現在已經是間普通的港式西餐廳. 今次再來是吃下午茶餐. 點了干炒牛河, 吞拿魚焗天使麵和西多士. 干炒牛河: 據說一碟干炒牛河有廿多匙的油, 這碟肯定過之而無不及! 整碟干炒牛河都很油膩, 每條粉都沾滿油! 而最要不得的就是這碟干炒牛河是凍的, 所以十分難吃!吞拿魚焗天使麵和西多士: 看似大碟, 但其實只是頂層的白汁和天使麵多, 但吞拿魚卻少得可憐, 似白汁撈麵多一點! 而且天使麵太腍, 有點糊, 是個可飽肚但絕不美味的食物.西多士: 這個反而是最正常的, 多士炸得ok, 尚算熱, 就像一般快餐店的水準.服務方面實在令人搖頭, 我們被安排坐在偏遠位置, 基本上是叫天不應, 叫地不聞! 人手其實不太少, 不過侍應只顧自己聊天, 完全無視食客的叫喚, 單是落單已經等了五分鐘!! 環境也不見得清潔, 不時見到小蚊滋飛來飛去, 很煩人! 如此食物, 環境和服務水準, 如不改善的話, 恐怕天使連凡間也留落不了.

可一不可再叫左個海鮮炒烏冬心諗60蚊一個烏冬應該五錯有湯有包有野飲好似幾高級點知碗湯上黎杰過芝麻糊，又凍個包硬到擲死狗飲左湯無兩啖，餐飲就黎放兩下就凍晒，毫無心思可言個烏冬d海鮮白灼既無味，完全五符合呢個價食到無癮無下次

都知新年流流, 搵嘢食好麻煩... 初二諗住食少少嘢先拜年, 係轉車點, 是但搵個地方食嘢, 原本打算去吉野家食下午茶餐, 點知要3點先有得食, 仲有幾個字先到3點, 又好肚餓, 見到對面有下午茶餐, 即刻入去叫嘢食. 叫咗豬扒炒烏冬同雞扒焗飯. 先嚟嘅係豬扒炒烏冬, 碟烏冬細碟到不得了, 而且仲只係微溫, 唔好食... 先後嚟焗飯, 因為要焗嘅關係, 所以係熱嘅, 但雞扒無咩味, 都係唔好食, 埋單$87, 走咗先醒起, 個下午茶餐一個$35, 一個$38, 點解收咗$87, 唔通要加二?

很久沒到黄大仙,今天與太太去龍翔中心,商場人流多,4時入去藍天使餐廳,下午茶時间叫了白菌雞柳焗天使麵配好立克及吉列手指魚沙律配奶茶,先來2杯熱飲,熱度約70度,另人失望,天使麵ok味道不錯,而且份量足,手指魚肉好實,沙律ok

難得同企人鋸扒，諗住附近試下，叫左2個鐵板餐，竟然先上鐵板，才上湯和麵包，點知上汁落鐵板，無聲，即係唔熱，D湯和麵包仲熱，帶住小朋友，費事嘈，埋單時同個似係髙級侍應講了一句，佢話 : 我哋係咁!咁樣就無下次

今天12:15想食午餐時, 見無咩人就走入去啦, 咁跟住12:20就落order朱扒飯, 呢樣野應該好快啦, 佢就拿拿臨比左個例湯同個餐包我, 點知等等下唔對路, 等左15min都未有, 隔離2檯已經食緊, 咁我就叫人幫我跟跟, 跟住又等左5min, 重未有, 再叫一個人跟跟, 都未有, 跟住火都黎, 響12:50叫經理, 我話有無搞錯, 食個朱扒飯都要等30min? 我即刻起身走點知個經理即刻變臉, 佢話我飲左個餐湯唔比走, 一係比左個餐湯錢我話有無搞錯, 等個set lunch 30min都無, 重要我比錢??跟佺個收銀同佢講話原來無落單, 我聽到, 火都黎埋, 跟手個經經理重講句"個湯豪比你"你話有無搞錯, 前後叫左3次人跟單都無人去check原來無落order?之後重要比人串?想去之前要諗清楚

下午茶時間，逛街途中想歇一下，看到氣氛柔和而寛敞的用膳環境，急不及待走了進去。原來是港式食品和西餐的fusion，與朋友點了吉列魚手指拼薯條加配凍英式奶茶及西班牙海鮮炒飯。先談吉列魚手指拼薯條，魚手指既熱騰騰又肉嫩、吉列皮脆口不油而有特別香味，可知經過悉品製作，薯條薯味達標，亦是炸得脆而不油。至於飲品，能喝到英式紅茶的幽香，奶的比例恰當，與茶味平衡得宜，有茶味但不澀，為一清幽舒暢之作，不愧為該店推介之產品。西班牙海鮮炒飯則屬一般水平，不知為甚麼，上菜時冒熱氣的，但吃下溫度感覺稍涼，炒飯亦屬軟綿，與配料炒得均勻，但所用什豆及海鮮配料質素一般。服務方面，侍應們雖然繁忙，但可見他們處處用心回應食客的需要，值得稱讚。整體而言，仍是可取之地區食肆，尤其是吉列魚手指及英式紅茶，個人認為是很高水準，大家也可試試呢！

中午係黃大仙港鐵站附近都好似冇咩好食，通常都係Ｄ連鎖野，見呢間野好似裝修幾好咪入去試下。叫左個午市套餐焗豬扒飯，加凍檸茶。送的紅湯不錯，不是溝水的。等了十五分鐘便焗好了，我喜歡它切開一塊塊來焗，可以更入味更淋。飯是有蛋香的，汁也味道合宜，不會過咸。至於凍檸茶，叫了少甜，味道頗為清新，還有一陣茱莉花香？仲之有一種未試過的茶香味，不錯！總括來說，就第一次巧合來試這店的感覺，還是不錯的。

侍應服務差，食物好難食！叫左好耐先有人過黎點菜。叫左個紅酒燴雞扒飯同豬扒炒公仔面。紅酒燴雞扒，個汁同茄汁冇乜分別，不過就又酸又難食。個炒麵又係難食。一啖食落去就只係得黑椒味。D麵有D未熟咁，但係有D又好似太熟。塊豬扒好似浸過湯咁，好濕唔乾身。係佢太有肉汁？最後都係食唔到落去，兩碟都食左小半就走人了。以後都唔會再黎！！

Blue Angel Cafe呢間餐廳個名聽落唔錯...但入面既食物質素, 味道同個名差好遠!!其實肥龍B想幫趁呢間餐廳時!!肥妹仔已經話過唔太好食, 揀過第二間!!點知我死唔信且, 終於"奶"左野!!我地揀左兩個石頭鍋類,分別係藍天使石頭鍋飯, 同石頭鍋咖哩羊肉!!呢個藍天使石頭鍋飯雖然熱辣辣,但係完全唔知個汁係乜味, 汁又多!!好似食緊糊仔咁, D飯完全濕漉漉!!真係未試過食過咁難食既石頭鍋飯!!肥妹仔點既呢個石頭鍋咖哩羊肉!!咖哩味道好容易知道一間餐廳掂唔掂,有D茶餐廳煮咖哩都可以好好味!!不過呢間D咖哩一D都唔掂, 又係無味!!一味得過熱, 好多骨, 無乜肉食, 成鍋都係汁!!味道同色水都係一樣咁騎呢!!幫趁一次就夠...