海景咖啡廊 (已結業)

昨晚一家人 (2大1小) 到海景咖啡廊食自助餐慶祝生日, 因為見openrice 的食評唔錯, 所以雖然享用不到openrice 的優惠 (因人數關係), 依然去試吓, 估唔到不丹價錢唔值，就連食物都唔係好搞。首先係食物種類唔多，尤其是熱盤，只得寥寥幾款，仲要係唔吸引果隻，所以我哋都無乜點食，唯一稍為好少少的就係意大利海鮮飯。至於頭盤，就只有生蠔同剌身還可以（雖然生蠔比較瘦，可能種類問題吧（說是愛爾蘭的），其他好似壽司，長腳蟹和小龍蝦等都唔係好搞。那些巴馬火腿，話就話有成隻掛出來畀你睇，不過其實都只係做樣，因為拿出來給你吃的，原來一早已經預備好，所以有點被人騙的感覺。芝土種類少得出奇，只有三種。到甜品啦，款式尚算多，但就無想像中好味，連cheese cake 都無，不過成晚最失敗的要算是雪糕了，諗都無諗過價錢唔算平的自助餐，竟然畀“牛奶公司”雪糕我食，真係睇倒眼火爆。總括來講，勁唔抵食啦！