築地番本日式放題 (已結業)

我自問都食過唔小放題～大喜屋，滿屋，大瀛喜，吉壽，平成二十二，碗屋，組長等等...其實比得200蚊可以任食都無咩期望！其實兩年前都食過另一間番本總店同佢地既其中一個ABC老闆吹過水，知道佢係好有熱誠同好上心搞好佢！但今次黎到真心失望😂😂😂首先一入到黎，發現原來要三位先可以叫蒸汽火鍋，不過都無計已經上左賊船...第一點：到步時張檯係濕既，好明顯係上手食完翻檯無抹趕啦！第二點：Wasabi乾爭爭的，乾都綑住條黃邊，未開始食都已經食慾減半！第三點：刺身選擇都幾多款色可惜甜蝦係苦既，蝦頭仲要發黑，講句公道說話三文魚油甘魚係新鮮既不過d冰溶得太快，過一陣d魚生已經比冰水蓋過！第四點：壽司捲物都握唔實既，鵝肝帶子卷同海膽吞拿魚卷既鵝肝同海膽都小得可憐，連我四分之一塊指甲既然份量都無！第五點：同行既朋友係牛舌串燒上面發現左一條人類毛髮，嚇死佢啦，我只可以講果條肯定唔係頭髮，係咩毛就大家比d幻想空間啦！第六點：天婦羅炸物太油，唯一得個芝士春卷叫好小小啦！第七點：甜品選擇小，雪糕竟然係cheap cheap既雀巢雪糕，個奶凍重要係無咩味道！第八點：座位太逼，服務員不停鬧其他Staff同大叫，真心覺得依到