亂炒一通 (已結業)

今晚約了朋友食飯, 好耐未食過小炒， 朋友便提議食這間在葵涌的亂炒一通， 因為這餐廳位於友人屋企附近， 不但鑊氣夠，味道足，加上分量大大碟，好低食。這裏的小炒種類非常多， 款款都好吸引，好想全部都食哂， 但我哋衹得二支公， 唯有叫住三碟先， 下次再嚟再試其他。想了一陣， 就點了必食嘅黃金蝦、 白飯魚和欖菜肉鬆四季豆，再加每人一碗白飯，飲下啤酒，男人的聚會咁先爽。黃金蝦大大碟， 衹係98元，好低食， 一般大排檔或者食肆都起碼舊幾水。 最估唔到這碟味道咁正，好香的鹹蛋味, 加上蝦非常新鮮,彈牙爽口, 好味到連蝦殼都幾乎想食落肚，肉質確實好爽彈， 不禁爬多幾口飯。至於白飯魚，大大條又無硬骨，炸得甘香酥脆，一口一條好滋味。而欖菜肉鬆四季豆仲惹味，有欖菜肉鬆配搭， 大厨炒得好夠鑊氣，豆又夠爽口，佐飯冇得輸, 因味濃又太好食，最後還添了一碗飯，正！