星林居雲南米線餐廳 (已結業)

第三次黎呢度食米線...因為本身住得遠，甚少會專登黎食米線!呢一次我叫左碗豬大腸豬紅小辣米線，味道依然無變!一樣都係咁入味,湯底亦好正之前食慣左譚X的米線,食完之後會覺得好飽!反而覺得呢度米線份量比較適中...米線亦較幼,不會有"濟"的感覺!而且呢度米線比起其他專賣米線鋪頭...味道較為特別!!!仲有一樣我覺得值得讚o既係佢比你圈食咩野個張紙...下面會提供埋要幾多辣，走芽走肉or 全走等等因為本身自己有D配料唔鐘意食，但有時會唔記得講唔要!呢張野提醒左我價錢可能有人會覺得有D貴，但我覺得OK!!!