人和荳品廠 (已搬遷) 新店位置

今日喺銅鑼灣食完晚飯之後，朋友帶咗我去人和食豆腐花。豆腐花平時都有食開幾間舖頭，今次就第一次食人和，估唔到佢都有幾多款式嘅豆腐花，不過好似又未必係好事。。。就好似我叫左呢碗椰汁豆腐花，椰汁同豆香味唔係好夾，而且椰汁太過濃稠，基本上就係封住左最上面嘅豆腐花， 浸唔到落底，所以下面嘅豆腐花根本沾唔到椰汁。不過後面嘅嗰一碗最原始嘅豆腐花，豆香味都幾出色，認真唔錯，不過始終都係傳統野好啲，下次都係食返傳統豆腐花！