點煲 (新港城中心(4期)) (已結業)

煲仔飯落完單要等20分鐘。今次叫嘅兩個煲仔飯都有好多飯焦，而且脆卜卜。枱面有豉油同豬油可以自己加，但個飯本身都有汁同啲餸都鹹，建議唔好一次過落得太多豉油。豬油唔知我落得唔夠多定點，唔係好食得出陣味。豉汁白鱔煲仔飯（$118）白鱔啲肉質唔散，都算新鮮，腩位好油好香。臘腸排骨煲仔飯（$83）臘腸係比較cheap嗰隻，唔好食同咸咸地。排骨比較細舊，同埋本身都幾鹹。比較推薦食豉汁白鱔煲仔飯，臘腸排骨煲仔飯整體都係鹹，但飯焦做得幾出色。