燒烤堂

营业中

休息中

見你比賽又獲勝，同你去食餐好❤️今次嚟到位於荃灣楊屋道街市附近嘅一間惹味串燒店- 燒烤堂。燒烤堂主打食燒烤串，佢哋嘅燒烤串有好多唔同嘅變化，非一般雞牛豬串唔簡單😋食串燒一定要配啤酒先開心，店舖做緊日本生啤買一送一優惠🥰即刻叫嚟同爸爸啤啤佢先🍻一坐低就見到貼心位，服務員介紹每台都有一個火爐仔，可以用暖住到咗而未食嘅串燒，呢件事非常優秀。今次點嘅串燒數量都唔少，不過私心推介有以下幾款😛🍢蒜蓉燒生蠔 - 充足蒜香味，生蠔肥美新鮮🍢鹽燒原塊雞皮- 大大塊薄雞皮，同食薯片一樣，口感鬆脆🍢手切新鮮牛胸爽 - 打邊爐就食得多，串燒都真係第一次，爽滑彈牙🍢鹽燒鮮三黃雞腿肉 - 皮脆多汁而且肉嫩夠juicy，阿女自己都食咗兩串🍢 凉拌藤椒魚皮 - 魚片爽口，辣辣地好啱胃口🍢 鹽燒A4宮崎和牛 - 入口鬆化又易咬🍢 甜奶牛油包 - 外脆內軟，加埋慢慢溶化嘅厚牛油同煉奶，意想不到咁好食Kelsey 仲自己點咗牛油蜜糖燒粟米同鰻魚炒飯，炒飯份量都唔少，見佢食得超滋味🍱最後我哋再叫甜奶牛油包、糖不甩燒湯圓同蜜糖燒菠蘿做個完美總結。