Studio Caffeine (廟街)

营业中

休息中

終於等到週末啦， 咁開心緊係去梳芙一下， 佐敦真係好少去架，但為左食好野我願意既好在放工早， 唔洗等位， 朋友仔未放放工，店員都冇要求人齊方可入座，亦冇限定用餐，值得一讚。環境幾光猛，裝潢設計幾靚，好舒服，我邊坐邊等差不多40分鐘，店員都冇催我落單， 直至朋友到左，我地就去cashier 點餐，我叫左個香辣茄汁蜆肉扁意粉，同唔少得既green tea latte , 有中size 同大size, 我叫左中size, 等左一陣就送上杯靚靚latte, 咔擦咔擦，影完就急不及待啜一啖先，好濃，佢同我平時個D green tea latte有不同，平時飲既都係冇咖啡的苦味，呢杯就又有咖啡的苦亦有綠茶的甘澀味，好勁既咖啡味，奶泡好滑，拉花圖案精美，圖案不易散開，呢杯latte越飲D綠色越出越深色，與此同時，扁意粉亦到，好熱辣辣，好香喔，意粉顔色鮮紅，蕃茄蓉極多，蕃茄味十分濃郁，不時吃到蕃茄仔，酸味辣味適中，好開胃，蜆肉冇沙，份量ok同新鮮，意粉煮得剛好，每條意粉都有蕃茄味，掛汁力不錯好滿意的 dinner