新南苑私房菜火鍋鷄煲 (海德中心) (已結業)

以前睇美食推介见过新南苑嘅介绍，对佢嘅鸡煲心心念。今日终于有机会，但非常失望。先讲个鸡煲，落油炸鬼的却系几特别。但个汁食唔出同出边𠮶啲有乜分别。而且煲嘢好干，配菜亦唔多。成煲嘢我只能讲非常普通。再嚟海鲜打边炉，海鲜尚算新鲜，但绝对不是靓嘢。鲍鱼好细只，同前两日喺其他平价海鲜边炉舖食嘅争好远。其他火锅配料，牛系几好食，但只有一碟。其他任食配料选择非常少，连最cheap嘅美国肥牛都无。啲货亦都是普通货。饮品方面多韩国饮品，有啲自家制凉茶。都算OK丰富。间嘢最难顶嘅系服务。肆应基本上嚟讲都系无礼貌的。上菜乱咁摆，唔会理你生定熟。中途有位阿叔上菜时，一手丢开我摆喺枱面包湿纸巾，仲话「拎开呢啲无谓嘢」。我当场O嗮嘴。本来任食选择都唔多，第二次落单叫咗四样嘢，只有响铃同蟹柳嚟咗，猪腩同番茄就无嚟。今时今日仲耍埋啲旧式昆客手法，真系好out兼令人反感。埋单每人$248。个价钱去某心火锅可以食得好过佢几条街。极度失望。返嚟即刻将呢间嘢从收藏列表tick除，忘记它吧。