甘味讚岐手打烏冬 (已結業)

朋友超愛甘味讚岐烏冬，分店唔多既情況下，今晚陪佢專程黎銅鑼灣朝聖。紫菜炸魷魚鬚 ($44)熱辣辣脆卜卜，魷魚鬚好彈牙惹味。黑蒜油豬手鍋燒讚岐手打烏冬 ($66)超鐘意食豬手，上至西餐焗豬手，下至中式滷水豬手我都成日食，呢度豬手好嫩滑入味，充滿膠質，同一田賣既黑椒豬手有幾分似。 雖然黑蒜油味唔算好濃，讚岐手打烏冬依然煙韌彈牙，原鍋上好滿足。三文魚壽司 ($18)、火炙芝士蟹棒壽司 ($28)正常發揮，同一般壽司小店差不多水平。水牛雞翼 ($28)好香口，單骨雞翼食落好方便。紫薯米紙卷 ($32)甜既炸物好少食，原來紫薯同米紙都幾夾，夠哂香甜。