天橋立鐵板定食屋 (已結業)

今日去大埔超級城，走進去一間我重未去過既日式食店，天橋立。眼見間舖無人，走進去點咗個日式咖喱吉列炸蝦飯。個餐加鑵汽水要成$50。等咗大約5分鐘有得食。碟飯有一半係咖喱汁。當中有兩隻炸蝦。碟飯有薯仔同蘿蔔。隻炸蝦咬落好趣，有日式風味。但係隻炸蝦好細隻。我將咖喱汁混入飯一齊食。薯仔同蘿蔔都煮得好入味。混入咖喱汁食就更加好味。D飯煮得一嚿嚿。我完全食唔出有飯粒。好明顯係用微波爐叮出嚟。好地地一碟日式咖喱吉列炸蝦飯， 就俾D微波爐叮出嚟既飯污辱咗。好地地既吉列炸蝦，搞到個餐毁譽參半。