影片
食记 (27)
以前食过天桥立，系散叫的，感觉唔良好，因为好热好焗，同埋环境唔好。。。改装做放题之后，经过几次都想试吓，重点系见到任食雪糕，不过唔好嘅系限时啦～90 分钟！有次再经过，忍唔住去试吓啦～见到有埋任饮啤酒，爽饮啦谂住。。。喺门口，侍应问我哋拣边款，由于任饮啤酒要拣贵嘅一个，唔紧要啦，豪一次。。。坐底咗问另一个侍应想要啤酒，至同我哋讲指定送嘅啤酒送晒，无得饮啰！咁点解一早唔讲？好过份！！！嘢食系任食任叫，好啦中途去食雪糕，一睇，五款只得两款有啰，我问侍应有无，话已经订货，唔知几时有，好啦仲有个软雪糕机，谂住可以玩吓，点知拉极都无，问侍应，话无晒软雪糕，真系火都嚟，乜都无！无啤酒唔讲，无雪糕唔讲！再讲环境，虽然装修过，唔知点解都仲系热的，梳化仲系烂嘅，唉～
继续阅读
行开大埔揾紧有咩食 又好肚饿 咁岩见到有间铺头火锅任食 价钱又ok就入去食喇 其实价钱佢149-300几都有 但简左最便果个 因为觉得冇咩分别讲下环境先呢度环境认真唔错 装修几整齐 位同位之间既距离都几阔 几舒服但食物既种类就唔多正路野都有 胜在够干净 同整齐枱面都勉强够大 一次过放哂上去都够位放特别推介鱼 真系入口即溶 肉质好软 而且完全冇骨 照顾到懒既人另外乌冬都唔错 几弹牙 我食左三碗顶肚至于肉类有 牛肉 同黑毛猪个人黎讲都系中意食牛肉 牛肉冇咩特别正常水准至于朋友就中意黑毛猪 话有层野硬硬地几好口感拎左一碟 芋丝,芝士肠,鱼蛋,生菜,娃娃菜饮品就拎左成4罐忌廉鲜奶 几好味最后不得不提既就系 雪糕!!!佢既乳酪雪糕真系好味特别系士多啤梨味 作为最后既甜品真系冇得顶!!觉得呢个系全日最好味既食物!!
继续阅读
今日去大埔超级城，走进去一间我重未去过既日式食店，天桥立。眼见间舖无人，走进去点咗个日式咖喱吉列炸虾饭。个餐加鑵汽水要成$50。等咗大约5分钟有得食。碟饭有一半系咖喱汁。当中有两只炸虾。碟饭有薯仔同萝卜。只炸虾咬落好趣，有日式风味。但系只炸虾好细只。我将咖喱汁混入饭一齐食。薯仔同萝卜都煮得好入味。混入咖喱汁食就更加好味。D饭煮得一嚿嚿。我完全食唔出有饭粒。好明显系用微波炉叮出嚟。好地地一碟日式咖喱吉列炸虾饭， 就俾D微波炉叮出嚟既饭污辱咗。好地地既吉列炸虾，搞到个餐毁誉参半。
继续阅读
去到大埔，度度都排晒队，呢间都咗半个钟先有得食！都真系几失望，食物都等，等，等，等好耐先黎，味道都系一般，中中等等，啲鱼生切得劲细块仲劲薄，劲揾笨，味道无鲜味！啲串烧都无咩特别好讲，只系唔似串烧，似将食物先用水煮，再烧，无串烧嘅风味，个簿饼等到食完所有野都未到，服务都系一般！ 另外叫咗个烧三文鱼，表面系烧嘅，但内𥚃系唔热，而鱼质却非新鲜！个生蚝食落去，完全无味，只系靠椘士味，个元贝都还可以，有点鲜味，但有点细粒！
继续阅读
又系下雨天....!!!! 今日去番多次比负评既 天桥立铁板•定食屋....又想食多次, 睇下有无改善.真系好多人, 等左超过 30 分钟先入去, 反而味千就好多位.我今次就睇左 menu 先入去, 叫左2个 set.滑蛋猪扒饭好咸啰, d 旦又老, 唔知滑蛋系咩意思呢?至于咖哩猪扒饭, 佢话无咩特别, 反而个餐跟既日本饺子就几好食, 不过细只左 dd.....都可以再去食下其他嘢既....因为我见到人地既 sushi 好似好好味...hehe
继续阅读