Go Inside Kitchen (已結業)

星期日去觀塘，除咗APM、裕民坊，仲可以去邊度開餐呢? APM向牛頭角方向行3分鐘就到了一間工廠大廈，入到工廠大廈，真是幾十年前的感覺，想起媽咪40年前在這裡做工廠妹，老豆應該係度溝咗媽咪，花樣年華feel呀。5樓便是這一間Go Inside Kitchen，一入到去真是先見到廚房，才到用餐的地方，陳設簡簡單單，乾乾淨淨。點了一份set dinner，加份德國黑椒豬手及香蒜欖油素菜意粉。先來頭盤燒雞肉田園沙律，菜跟車厘茄很新鮮，燒雞肉好香口，加上黑醋好juicy。餐湯係蕃茄南瓜湯，濃濃蕃茄酸味，開胃。蒜蓉包是即叫即整，燶燶地,香脆美味。Main Course 係香煎加拿大銀雪魚配刁草忌簾汁，魚皮很香，魚肉剛剛熟，加上刁草忌簾汁，入口已溶溶地。另一碟係德國黑椒豬手，半肥瘦豬手加黑椒汁已經很好配搭，再加上肥肉很有口感，肥瘦之間令豬手完全不打渣，口感又好，超級美味。下次黎食必有定會Encore香蒜欖油素菜意粉，脆肉瓜好林，甘筍鮮甜，意粉甘甘地，乾身又爽，清新可人。甜品係焦糖燉蛋，略甜但蛋味很香。一杯泡沫咖啡cappuccino ，咖啡味濃，純滑簡直係喜出望外超水準，為晚餐作一個完美句號。