Le Viet (已結業)

之前喺尖沙咀都有食過呢間都覺得啲嘢食唔錯 咁啱去開旺角買完嘢就去佢地嘅分店食嘢，餐廳嘅位置都好近地鐵站幾方便。今次叫左青木瓜絲鮮蟹肉雞絲沙律，春卷，香茅燒豬頸肉，香茅燒木棉魚，香茅豬頸肉炒河粉，咖哩牛腩配法包，同埋蒜蓉炒椰菜苗。春卷可能炸完之後變到好油但喺餐廳都會跟埋啲生菜俾客人包住嚟食 味道都幾好食，香茅燒木棉魚都唔錯對於一個唔太中意食魚嘅人都好吸引而且又好大條好啱一班人一齊食飯個陣叫嚟試試，另外佢地嘅香茅燒豬頸肉侍應一拎上枱就有好香嘅味道 味道同埋賣相都好吸引人。呢度嘅嘢食都好有特色 好啱啲中意食越南嘢人嚟試下。