馬拉Go (已結業)

餐廳係啟岸巷子，冇諗過一間小店服務咁貼心。喇沙麵非常好味，配料足，仲有比較少見嘅魔鬼魚，海鮮鮮味! 個湯可以同廚講辣度，啱個人口味。大廚話個湯冇加任何化學味精，真材實料。食完又真係冇好口渴。天氣熱，叫左杯班蘭奶茶，唔太甜，好有特色! 另外外賣多2樽番去慢慢嘆。大廚仲好好服務，好緊張野食水平，好主動問啱唔啱食。店員都好有禮貌，好有人情味嘅小店! 整體講，食物質素好好，服務又喜出望外，性價比十分之高! 土瓜灣區必選。