Thai Basil (已搬遷) 新店位置

朋友請食午餐，揀左呢間泰國野食。無叫冬蔭功，無叫串燒，無叫咖喱，都無叫珍多冰同龍眼冰，食一個唔算好經典的泰式午餐。前菜木瓜沙律唔係我杯茶，純粹友人愛吃菜，我覺得味道清新，佢就話有啲辣。大蝦米卷兩個人都讚，蝦肉大大舊，鮮味又彈牙，夾雜青瓜絲，有肉又有菜，滿足又唔膩，唔鍾意蔬菜嘅我都鍾意食。炸軟殻蟹都幾大蝶，亦幾大件，舊舊啖啖肉，夠新鮮，味道唔錯，泰式汁好味，但就無一般生蝦汁咁辣。三百幾埋單，不錯！