Burger Begin (已結業)

星期六去朋友店舖，夜晚7點有少少肚餓，朋友介紹附近外賣漢堡，不停説真材實料好味道，即管試吓。外賣電話一打就通，我問店主有什麼推介，他說傳統漢堡最好味，但很多人order 鹹蛋黃牛肉漢堡，因為係自創款式，外面冇得食。又幾有道理，一係唔問，問完就最好接受意見，我叫了一個咸蛋黃漢堡餐。佢話5分鐘後過去攞。朋友之後15分鐘後先去，哈哈，重視質素嘅店主話佢：咁耐架，凍咗唔好食架！店主好鬼正！對唔住🧎‍♀️囉。個漢堡牛肉好多肉汁好嫩滑，麵包烘得剛剛好，咸蛋黃好特別，食到一半覺得好漏，又想食又怕滯，好似好麻煩。但真心好味，立即WhatsApp附近朋友叫佢哋都嚟試吓！